Kostnaður stofnana Akraneskaupstaðar við afleysingar vegna veikindaforfalla starfsmanna á árinu 2024, vegna tímabilsins 1. júlí til og með 31. desember var tæplega 26,4 milljónir kr.
Samtals var úthlutað 77,7 milljónum kr. á árinu 2024 vegna afleysingakostnaður vegna langtímaveikinda starfsmanna.
Bæjarstjórn Akraness samþykkti einróma í gær á fundi sínum viðauka við fjárhagsáætlun til þess að mæta þessum kostnaði.
Í fundargerð bæjarstjórnar frá því í gær kemur fram sú krafa að unnin verði greining á tengslum veikinda og starfsaðstæðna, með það að markmiði að unnt sé að vinna betur í forvörnum sem stuðlað geti að bættri velferð mannauðs Akraneskaupstaðar.
Bæjarstjórn hefur falið bæjarstjóra að tryggja að unnin verði slík greining.
