Bæjarráð Akraness hefur samþykkt að óska eftir skammtímaláni hjá Arionbanka fyrir allt að 1 milljarði kr. eða eitt þúsund milljónum kr.
Stefnt er að því að greiða upp lánið í lok ársins 2025.
Í fundargerð bæjarrráðs kemur fram að tekjur vegna gatnagerðar á síðari hluta ársins 2024 séu lægri en áætlanir gerðu ráð fyrir. Á næstu mánuðum verða áframhald á viðamiklum framkvæmdum hjá sveitarfélaginu sem staðið hafa yfir undanfarin misseri.
Í lok ársins 2024 tók Akraneskaupstaður langtímalán til ársins 2055 fyrir 3.500 milljónir kr. hjá Íslandsbanka eða 3,5 milljarða. Á sama tíma fékk kaupstaðurinn langtímalán hjá Lánasjóði sveitarfélaga fyrir 1 milljarð kr. eða 1.000 milljónir kr.
- Skagafréttir hafa á undanförnum átta árum beint kastljósinu að mannlífinu á Akranesi og flutt mörg þúsund fréttir af Skagamönnum nær og fjær.
- Bæjarfréttamiðill sem er opinn fyrir alla er ekki sjálfsagður hlutur.
- Hefur þú tök á því að styðja við bakið á fréttamiðlinum okkar?
