Lið Kára frá Akranesi sigraði í 3. deild Íslandsmótsins í knattspyrnu 2024. Káramenn fengu verðlaunagrip eftir lokaleikinn gegn Árbæ s.l. laugardag en sá leikur fór 3-1 fyrir Árbæ.
Árangur Káramanna á leiktíðinni var góður en liðið vann 14 leiki, gerði 5 jafntefli og tapaði aðeins 3 leikjum.
Lið Kára skoraði langflest mörk í deildinni eða 63 alls sem gerir tæplega 3 mörk að meðaltali í leik. Liðið fékk á sig 25 mörk eða rétt rúmlega 1 mark að meðaltali í þeim 22 leikum sem liðið lék – en Víðir í Garði og Kári fengu jafnmörg mörk á sig á tímabilinu.
Víðir úr Garði fer upp í 2. deild með Kára en tvö efstu liðin fara upp um deild.
Árangur Kára undanfarin ár á Íslandsmótinu í knattspyrnu:
2023 – 5. sæti – 3. deild.
2022 – 5. sæti – 3. deild.
2021 – 12 sæti – 2. deild *féllu í 3. deild
2020 – 7. sæti – 2. deild
2019 – 10. sæti – 2. deild
2018 – 5. sæti 2. deild
2017 – 1. sæti – 3. deild
2016 – 4. sæti – 3. deild
2015 – 5. sæti – 3. deild
2014 – 2. sæti – 4. deild
