[sam_zone id=1]

Um 2.500 manns heimsóttu Lindex á opnunardaginn

– Rúmlega 15% Vestlendinga eða um 2.500 manns heimsóttu Lindex við opnun á Akranesi

– Team Rynkeby og Styrktarfélag krabbameinssjúkra barna hlýtur 400 þús. kr. styrk

Opnun Lindex á Akranesi var gríðar vel sótt um helgina þar sem rúmlega 15% allra Vestlendinga lögðu leið sína í miðbæ Akraness, eða sem samsvarar rúmlega 35% allra bæjarbúa. Samtals um 2.500 manns mættu til að fagna opnun fyrstu tískukeðju sem opnað hefur í þessum öfluga landshluta sem telur tæplega 16.000 manns.

Verslunin opnaði með pompi og prakt á laugardaginn á slaginu klukkan 12 og fylltist á augabragði. Gestir og velunnarar skemmtu sér vel undir tónum DJ Dóru Júlíu auk þess sem boðið var upp á popp og blöðrur fyrir yngstu kynslóðina ásamt andlitsmálningu sem fjölmargir nýttu sér.

„Við erum í skýjunum yfir þessum frábæru móttökum sem fóru fram úr okkar björtustu vonum. Við erum gríðarlega þakklát hvernig til hefur tekist og hlökkum til framhaldsins hér á Vesturlandi,“ segir Lóa Dagbjört Kristjánsdóttir-umboðsaðili Lindex á Íslandi

Við erum í skýjunum yfir þessum frábæru móttökum sem fóru fram úr okkar björtustu vonum.

Við opnun hverrar Lindex verslun er veittur styrkur að vali starfsfólks sem er ákveðið hlutfall af sölu á opnuninni en að þessu sinni hlýtur Team Rynkeby styrkinn að upphæð 400 þús. kr. og gengur hann óskertur til Styrktarfélags krabbameinssjúkra barna.

Nánar má lesa um þetta verkefni hér: