[sam_zone id=1]

Myndasyrpa: Árgangamót ÍA 2017 – barátta og sigurgleði

Árgangamót ÍA fór fram í sjöunda sinn í gær í Akraneshöllinni. Metþátttaka var og voru um 250 leikmenn skráðir til leiks. Árgangur 1975 sigraði í nýrri Lávarðadeild eftir hörkuúrslitaleik gegn árgangi 1974 en þar kepptu leikmenn sem eru 40 ára og eldri.

Í keppni 30-39 ára sigraði árgangur 1980 eftir skemmtilegan úrslitaleik gegn sigurliðinu frá því í fyrra, árgangi 1986. Sameiginlegt lið árganga sem fæddir eru 1975 eða fyrr sigraði í kvennariðlinum en þar tóku fimm lið þátt.

Hér fyrir neðan má sjá myndir frá árgangamótinu sem skagafrettir.is tóku í gær og eins og sjá má var gaman hjá keppendum sem og fjölmörgum áhorfendum.

Gera má ráð fyrir að vel á annað þúsund hafi verið í Akraneshöllinni og árgangamótið vekur meiri og meiri athygli með hverju árinu sem líður. Um kvöldið var slegið upp veislu í íþróttahúsinu við Vesturgötu þar sem gestir áttu saman góða stund og rifjuðu upp gamla tíma úr boltanum með ÍA.

rið