[sam_zone id=1]

Golfklúbburinn Leynir vill selja 40% eignarhlut í vélageymslu

Á fundi bæjarráðs Akraness þann 24. september var samþykkt að fela bæjarstjóra að ganga til viðræðna við forsvarsmenn Golfklúbbsins Leynis um kaup á 40% eignarhluta Leynis í vélageymslu við Garðavöll.

Guðmundur Sigvaldason, framkvæmdastjóri Leynis, segir að málið hafi verið í undirbúningi í nokkurn tíma.

„Þetta er hluti af uppbyggingu á Garðavelli í tengslum við nýja frístundamiðstöð og fjárhagslegri endurskipulagningu hjá Leyni.“

Endanleg upphæð eða kaupverð hefur ekki verið ákveðið.

Tekið verður miða af fasteignamati og verðmati á sambærilegu iðnaðarhúsnæði.

Vélageymslan er um 500 fermetrar og var tekin í notkun árið 2013.

Auglýsing