[sam_zone id=1]

Akranes heldur áfram að vaxa – tæplega 200 nýir Skagamenn

Auglýsing



Alls bjuggu 7.410 á Akranesi þann 1. janúar 2019 og hefur íbúum fjölgað um 185 á s.l. 12 mánuðum.

Í byrjun janúar 2018 voru 7.225 íbúar á Akranesi.

Til samanburðar fjölgaði íbúum á Akranesi um 208 á tímabilinu 1. janúar 2017 og 1. janúar 2018. Íbúum hefur því fjölgað um tæplega 400 á s.l. 24 mánuðum. 

Í byrjun árs 2017 fór íbúafjöldinn á Akranesi í fyrsta sinn yfir 7.000. Frá árinu 2011 hefur íbúum á Akranesi fjölgað um 650.

Í spá sem Akraneskaupstaður hefur gert um íbúaþróun er gert ráð fyrir að rétt tæplega 7.500 íbúar verði á Akranesi árið 2021.

Frá árinu 1920 hefur íbúum á Akranesi fjölgað um tæplega 6.300. Árið 1979 voru íbúar Akraness í fyrsta sinn fleiri en 5000 eða 5.017 alls.

Á næstu 16 árum fjölgaði íbúum á Akranesi ekki mikið og fólksfækkun átti sér stað á árunum 1987-1996.

Frá árinu 1996 hefur íbúum fjölgað jafnt og þétt og sérstaklega á árunum 2006-2007.

 

 

 

 

Auglýsing



Auglýsing