[sam_zone id=1]

Niðurrif strompsins er byrjað – sjáðu myndbandið



Sementsstrompurinn á Akranesi verður felldur á næstunni en ekki liggur fyrir hvenær það verður.

Í dag var unnið við að brjóta úr strompinum eins og sjá má á þessum myndum og myndbandi sem útsendari Skagafrétta tók eftir hádegi í dag. Myndbandið og myndirnar hér fyrir neðan segja alla söguna.

Strompurinn verður sprengdur en hann mun ekki falla til jarðar í heilu lagi.

Sér­fræðing­ar frá dönsku verk­fræðifyr­ir­tæki hafa veitt fyr­ir­tæk­inu Work North ráðgjöf við niðurrifið.

Fyrst verður efri hluti hans felldur með sprengihleðslu sem sett verður í strompinn í um 25 metra hæð.

Strompurinn er um 70 metra hár. Fjórum sekúndum eftir að fyrri sprengihleðslan hefur sprungið verður sú síðari sett í gang við rætur strompsins.

Nokk­ur hús sem eru staðsett al­veg við stromp­inn verða rýmd í ör­ygg­is­skyni.

Auglýsing



Auglýsing