[sam_zone id=1]

Guðjón kann ekki á dróna en fer með forsetavald Íslands í dag

Guðjón S. Brjánsson þingmaður Samfylkingarinnar er búsettur á Laugarbrautinni á Akranesi. Guðjón gegnir mikilvægasta embætti landsins í dag en hann er með forsetavald lýðveldisins.

Guðni Th. Jóhannesson forseti lýðveldisins og forseti Alþingis eru hvorugur á landinu. Þar með færist forsetavaldið til 1. varaforseta Alþingis, forsætisráðherra og forseta hæstaréttar.

Guðjón er helst þekktur fyrir einstaklega smekklegan klæðaburð og mikla þekkingu á velferðar- og heilbrigðismálum.

Það sem fólk veit hinsvegar ekki er að hann er Nocco-drekkandi Ariane Grande aðdáandi, sem á ekki bara einn heldur tvo dróna – en kann á hvorugan.

Þetta kemur fram á fésbókarsíðu Samfylkingarinnar.