[sam_zone id=1]

Þaulreyndur þjálfari tekur við liði Kára


Jón Kristjánsson er nýr þjálfari Knattspyrnufélagsins Kára á Akranesi. Gengið var frá ráðningu hins þaulreynda þjálfara í kvöld.

Jón hefur mikla reynslu sem þjálfari . Hann þjálfað liði KF og Hamars þegar þau léku í 2. deild karla.

Lið Kára lék í 2. deildinni á síðustu leiktíð og endaði í 10. sæti af alls 12 liðum á sínu öðru ári í þriðju efstu deild á Íslandi.

Jón hefur einnig þjálfað Skallagrím, Þrótt Vogu, ÍH og Reyni Sandgerði.

Þar að auki hefur Jón þjálfað meistaraflokks lið Vals og Fylkis í kvennaflokki.

Á síðustu leiktíð þjálfaði Jón lið Elliða sem fór undir hans stjórn úr 4. deild upp í 3. deild.