[sam_zone id=1]

Myndband: „Kári hniklaði vöðvana“ – Gríðarlegt tjón á húsi við Akurgerði


Mikið tjón er á einbýlishúsi við Akurgerði á Akranesi eftir ofsaveðrið sem gekk yfir SV-horn landsins í nótt og í morgun.

Húsið er forskalað timburhús og stendur á horni Akurgerðis og Heiðargerðis.

Eins og sjá má í myndbandinu hér fyrir neðan er húsið afar illa farið eftir glímuna við veðrið.

Það má með sanni segja að Kári hafi hniklað vöðvana á neðri-Skaganum í morgun og sýnt hvað í honum býr.

Samkvæmt veðurstöð Faxaflóahafna við Akraneshöfn var náði veðrið hámarki á Akranesi rétt um 9:30 í morgun. Vindhviður náðu þá 39 metrum á sekúndu og meðalvindur var um 24 metrar á sekúndu.