[sam_zone id=1]

Hvenær byrjar fótboltinn að rúlla á Íslandi ? – KSÍ hefur sett fram áætlun


Stefnt er að því að keppnishald á vegum Knattspyrnusambands Íslands hefjist í júní. Þetta kemur fram á vef KSÍ.

KSÍ hefur ákveðið að hefja undirbúning á því að keppni í mótum sumarsins geti hafist í júní, með þeim fyrirvara að staðan í þjóðfélaginu verði þá orðin þannig að Almannavarnir geti heimilað leikjum að fara fram.  

Keppni í Pepsi Max deild karla þar sem að ÍA er á meðal liða hæfist 14. júní, næst efsta deild kvenna þar sem að ÍA er með lið hefst á tímabilinu 18.-20. júní. Keppni í yngri flokkum hefst samkvæmt þessari áætlun 5. júní.
Mjólkurbikarkeppni KSÍ hefst einnig 5. júní samkvæmt þessari áætlun,

Í undirbúningnum er miðað við neðangreindar forsendur.

Keppni meistaraflokks

  • Mjólkurbikar karla og kvenna hefjist um 5. júní.
  • Pepsi Max deild karla hefjist um 14. júní.
  • Pepsi Max deild kvenna hefjist um 16. júní.
  • Önnur mót meistaraflokka hefjist um 18.-20. júní

Mót yngri flokka

  • Gert er ráð fyrir að mót yngri flokka hefjist um 5. júní.

Almennt um leikjafyrirkomulag

Í öllum tilfellum þarf að lengja mótin inn í haustið og ræðst það af því hve margir leikir verða óleiknir þegar mótin fara af stað.  Samt sem áður er ljóst að leika þarf þéttar.  Ferðalög milli landshluta í miðri viku geta því aukist frá því sem áætlað var.

Eins og segir hér að ofan þá miðast ofangreint upphaf móta við að staðan í þjóðfélaginu verði þannig að Almannavarnir geti heimilað leikjum að fara fram. KSÍ hvetur því alla til að fara varlega og hlýða þeim fyrirmælum sem Almannavarnir hafa gefið út.