Arnór Sigurðsson í landsliðshópnum – „Tími Ísaks kemur síðar“

Skagamaðurinn Arnór Sigurðsson, leikmaður CSKA í Moskvu, er í A-landsliðshóp Íslands sem mætir Englandi og Belgíu í Þjóðardeild UEFA.

Erik Hamren, landsliðþjálfari, sagði á blaðamannafundi í dag í höfuðstöðvum KSÍ að hann hefði hrifist mjög af Ísak Bergmanni Jóhannessyni í sænsku úrvalsdeildinni. Hamren sagði að tími Ísaks i landsliðinu komi síðar en Ísak er 17 ára gamall.

Ísland mætir liði England á Laugardalsveli 5. september n.k. kl. 16 og í kjölfarið mun liðið halda til Belgíu þar sem leikið verður þann 8. september á Koning Boudewijn leikvanginum kl. 18:45.

Mörg stór nöfn vantar í íslenska hópinn. Má þar nefna Gylfa Þór Sigurðsson, Jóhann Berg Guðmundsson, Alfreð Finnbogason og Aron Einar Gunnarsson. Ragnar Sigurðsson er frá vegna meiðsla.

Ungir leikmenn fá tækifæri í hópnum þar sem nefna má Andra Fannar Baldursson sem leikur með Bologna á Ítalíu og Jón Dag Þorsteinsson úr liði AGF í Danmörku.

Hópurinn