[sam_zone id=1]

Staðan metin daglega á Höfða vegna Covid-19 ástandins


Heimsóknir á Höfða hjúkrunar- og dvalarheimili eru leyfðar samkvæmt hættustigi almannavarna vegna Covid-19. Í tilkynningu frá stofnunni kemur fram að ef smit á Akranesi reynist útbreitt getur komið til lokunar á Höfða. Staðan er metin daglega og útfrá upplýsingum frá sóttvarnalækni og almannavörnum. Allt er gert til að vernda viðkvæmasta hópinn gegn hugsanlegu kórónuveirusmiti.

Heimsóknir á Höfða hjúkrunar- og dvalarheimili.                               

HÆTTUSTIG almannavarna – COVID-19

  1. Heimsóknir eru leyfðar á eftirfarandi tíma:  Frá kl. 14:00 til kl. 16:00 (vinsamlegast virðið þessa tímasetningu) svo ekki komi til algjörrar lokunar
  2. Allir gestir eru beðnir að virða 2 metra regluna (nema maki)
  3. Allir gestir  þvo hendur sínar áður en lagt er af stað og spritta hendur í inngangi heimila.  
  4. Eingöngu nánustu aðstandendur mega koma í heimsókn og almenna reglan er að aðeins einn komi í heimsókn á dag 
  5. Heimsóknargestir verða að fara eftir ítrustu leiðbeiningum um sóttvarnir í samfélaginu og sérstaklega er mikilvægt að virða eftirfarandi:
  6. Ekki vera í fjölmenni. Dæmi um hvað átt er hér við:
    1. Ekki fara í stórar veislur,   almenna reglan er að vera ekki í samkvæmi þar sem fleiri en 10 koma saman.
    2. Takmarka ferðir í verslanir. Ef þarft að fara í verslun, ekki fara á háannatíma. Fara frekar snemma morguns eða seinna um kvöld þegar minna er að gera.

Gestir mega ekki koma í heimsókn ef þeir:

  • Eru í sóttkví.
  • Eru í einangrun( einnig meðan beðið er niðurstöðu úr sýnatöku).
  • Hafa dvalið erlendis og ekki eru liðnir 7 dagar frá heimkomu.
  • Hafa verið í einangrun vegna COVID-19 smits og ekki eru liðnir 14 dagar frá útskrift.
  • Eru með einkenni (kvef, hósta, hita, höfuðverk, beinverk, þreytu, kviðverki, niðurgang ofl.).
  1. Heimsóknargestir eiga að fara beint inn og út úr herbergi aðstandenda og mega ekki dvelja í sameiginlegum rýmum. Vinsamlega virðið að hér eru íbúar sem kjósa að vera í sóttkví frá utanaðkomandi gestum og þetta er þeirra heimili.
  2. Heimsóknargestur sem þarf að ná tali af starfsmanni er beðin að hringja til hans og bíða svo inn á herbergi þar til starfsmaður kemur til hans. 

Íbúar mega fara í bíltúr, göngutúr og í heimsóknir með þeim tilmælum að í þessum ferðum hitti íbúar í flestum tilfellum sömu aðila og þá sem koma í heimsókn til þeirra á hjúkrunarheimilið. 

Reglur þessar taka þegar gildi. 

Fh. Höfða hjúkrunar- og dvalarheimilis

Kjartan Kjartansson framkvæmdastjóri

Ólína Ingibjörg Gunnarsdóttir hjúkrunarforstjóri