Tvö ný Covid-19 smit voru greind á Akranesi í gær samkvæmt upplýsingum frá Lögreglunni á Vesturlandi. Alls eru 15 í einangrun á Akranesi vegna Covid-19 og 13 til viðbótar í sóttkví. Á Vesturlandi öllu eru 19 í einangrun vegna Covid-19 og 32 eru í sóttkví.
Á landinu öllu greindust 45 innanlandssmit og 24 þeirra voru ekki í sóttkví.
Alls eru 23 einstaklingar á sjúkrahúsi og þar af þrír á gjörgæslu. Um 1800 sýni voru tekin í gær.
