[sam_zone id=1]

Nýjar áherslur boðaðar í strætisvagnaþjónustu á Akranesi



Stefnt er að því að bæta strætivagnaþjónustuna á Akranesi. Tillögur þess efnis voru til umræðu á síðasta fundi skipulags – og umhverfisráðs Akraneskaupstaðar.

Samkvæmt heimildum Skagafrétta er stefnt að því að bæta við öðrum vagni sem væri sniðinn að þörfum íþrótta – og frístundastarfsins á Akranesi.

Nýr strætó kæmi einnig inn í aksturinn á mestu álagspunktum í strætisvagnaþjónustunni.

Strætisvagnaþjónustan og leiðarkerfið í heild sinni verður einnig endurskoðuð út frá þeirri staðreynd að Akranes hefur stækkað töluvert á undanförnum árum.

Innanbæjarakstur eða Akranesstrætó er í boði alla virka daga frá 7-18 án endurgjalds. Rekstraraðili strætisvagnsins er Hópferðabílar Reynis Jóhannssonar.