[sam_zone id=1]

Margrét og Kristján fengu menningarverðlaun Akraness 2020



Menningarverðlaun Akraneskaupstaðar eru veitt ár hvert í tengslum við Vökudaga.

Hjónin Margrét Þorvaldsdóttir og Kristján Kristjánsson, sem hafa gefið út Árbók Akurnesinga allt frá árinu 2001, fá verðlaunin í ár. Þetta kemur fram í tilkynningu frá Akraneskaupstað.

Verðlaunin eru veitt þeim einstaklingum eða félagasamtökum sem hafa skarað fram úr á einhverju sviði menningar hér í bæjarfélaginu.

Þetta er í fjórtánda sinn sem verðlaunin eru afhent og að þessu sinni fór athöfnin fram við óhefðbundnar aðstæður.

Eins og áður segir hefur Árbók Akurnesinga komið út óslitið ár hvert frá árinu 2001. Ritið samanstendur að greinum og viðtölum þar sem efnistök eru margvísleg, bæði frá liðnum tímum og nútíma, og tengjast Akranesi eða Akurnesingum með einum eða öðrum hætti.

Það voru þeir Sævar Freyr Þráinsson bæjarstjóri og Ólafur Páll Gunnarsson formaður menningar- og safnanefndar sem afhendu Margréti og Kristjáni verðlaunagrip eftir listakonuna Kolbrúnu Kjarval þessu til staðfestingar.

Ár hvert eru fréttaannáll, íþróttaannáll og æviágrip látinna Akurnesinga jafnframt meðal efnisatriða. Ritin geyma ómetanlegar heimildir fyrir komandi kynslóðir og má nefna að hægt er að leita í efnistökum ritanna á leitir.is.


Eftirtaldir aðilar hafa fengið
menningarverðlaun Akraness