Í gær kom það fram í fréttum RÚV að Covid-19 smit hafi greinst hjá sex einstaklingum sem tengdust allir fyrirtæki sem er á Akranesi. Það reyndist ekki vera rétt.
Samkvæmt heimildum Skagafrétta eru einstaklingarnir sex allir búsettir á Akranesi en þeir tengjast allir fyrirtæki sem er með aðsetur á Höfuðborgarsvæðinu.
Þórir Bergmundsson, sóttvarnalæknir á Vesturlandi sagði í viðtali við RÚV að alls sex Covid-19 smit hefðu greinst á Akranesi – og að öll þessi sex tilvik tengist sama fyrirtækinu.
Rakningarteymi Almannavarna rekur nú ferðir fólksins og tengsl þess við aðra.