Líkamsræktin er í forgangi hjá mörgum þessar vikurnar og Skagamenn eru duglegir að mæta á þá staði þar sem hægt er að hreyfa sig. Magnús Ólafsson er 78 ára gamall og hann hefur lagt mikið á sig á undanförnum árum í líkamsræktinni.
Hann setti sér það markmið að lyfta 140 kg. í réttstöðulyftu og hann fór létt með það eins og sjá má á þessu myndbandi sem Kristín Halldórsdóttir einkaþjálfari birti á fésbókinni.
![](https://skagafrettir.is/wp-content/uploads/2017/01/Screen-Shot-2017-01-15-at-10.31.21-PM-1132x670.png)
Vel gert Magnús – og við skorum á þig að snara í tvöfaldan aldur í kg. næst þegar þú setur þér markmið, 156 kg. á stöngina takk.