Skagamenn lögðu Kópavogsbúa í spennandi Útsvarskeppni í gærkvöld og tryggðu sér þar með sæti í undanúrslitunum í ár. Akranes fékk 56 stig á móti 53 stigum liði Kópavogs. Nokkuð jafnt var með liðunum framan af en í orðaleiknum tóku Skagamenn afgerandi forystu, þegar þeir náðu 18 stigum á móti 5 stigum Kópavogs.
Fyrir síðasta hluta keppninnar munaði því enn aðeins tveimur stigum á liðunum. Sviptingar urðu allmiklar í stóru spurningunum og þegar aðeins einnar spurningar var óspurt voru Kópavogsbúar með tveggja stiga forskot.
![](https://skagafrettir.is/wp-content/uploads/2017/04/Screen-Shot-2017-04-13-at-7.27.29-PM-1132x670.png)
Skagamenn áttu hins vegar síðustu spurninguna og ákváðu að hafa hana upp á fimm stig. Skagamenn svöruðu henni rétt og hömpuðu sigri.