Gísli Guðmundsson rakari hélt upp á 10 ára starfsafmæli Rakarastofu Gísla í dag með eftirminnilegum hætti. Í dag stóð yfir söfnun hjá Gísla sem skilaði af sér tæplega 330.000 kr. Allar tekjur dagsins runnu í söfnunina og bætti Gísli sjálfur við 100.000 kr. Uppgjör dagsins rennur því allt til Krabbameinssjúkra barna.
Viðskiptavinir gátu einnig keypt lög sem Gísli lék sjálfur á gítar í dag og kostaði lagið 3.000 kr. Sannarlega stórkostlegur dagur hjá Gísla og við hér á skagafrettir.is óskum honum hjartanlega til hamingju með daginn og framtakið.
![](https://skagafrettir.is/wp-content/uploads/2017/09/21246342_10155661626869948_2346206053329931474_o-794x670.jpg)
Gísli er hér að störfum að klippa frænda sinn sem fór í sína fyrstu snyrtingu í dag.