Uppbyggingarstarfið hjá Knattspyrnufélagi Akraness heldur áfram og í dag var samið við þrjá framtíðarleikmenn úr 2. flokki ÍA. Allir leikmennirnir hafa leikið stór hlutverk með yngri flokkum ÍA og verið viðloðandi meistaraflokk ÍA á undanförnum misserum. Þar að auki hafa þeir allir komið við sögu með yngri landsliðum Íslands, í æfingahóp, og sem leikmenn.
Leikmennirnir eru allir fæddir árið 2000 og eru því 17 ára og þeir heita Oskar Wasilewski, Sigurður Hrannar Þorsteinsson og Þór Llorens Þórðarson.
![](https://skagafrettir.is/wp-content/uploads/2017/11/Sigurður-Oskar-Þór2-e1511453097155-800x445-1132x670.jpg)
Oskar er með 101 leiki skráða hjá hjá KSÍ í 2. -4. flokki en hann á einnig að baki 4 landsleiki með U18 ára liðinu.
Sigurður Hrannar á 129 skráða leiki í 2. -4. flokki, hann hefur ekki enn leikið landsleik en hefur verið í æfingahópa U18 liðsins.
Þór Llorens hefur tekið þátt í 108 skráðum leikjum hjá KSÍ í 2.-4. flokki og hefur auk þess leikið 3 landsleiki með U17 liðinu.
Um er að ræða fyrstu samninga leikmannana og er þetta samningaferli í samræmi við stefnu félagsins sem hefur það að leiðarljósi að gefa ungum og efnilegum leikmönnum tækifæri.
Við hér á skagafrettir.is tökum undir góðar óskir sem ÍA sendir þeim í fréttatilkynningunni. Við óskum strákunum öllum innilega til hamingju og treystum því að þeir eigi eftir að gera það gott í fótboltanum í framtíðinni.