Skagakonan Laufey María Vilhelmsdóttir náði frábærum árangri á Íslandsmóti fatlaðra í sundi sem fram fór um s.l. helgi í Laugardalslaug. Laufey er 21 árs gömul og hún hefur æft með Íþróttafélagi fatlaðra í Reykjavík að undanförnu.
Á Íslandsmótinu keppti Laufey María í 6 einstaklingsgreinum og þremur boðsundum með félögum sínum úr ÍFR. Hún gerði sér lítið fyrir og vann til fimm verðlauna í einstaklingsgreinum og alls fékk hún sjö verðlaun á mótinu – þar af ein gullverðlaun.
![](https://skagafrettir.is/wp-content/uploads/2017/11/23658489_10213781567832312_9172675962919252359_n-copy-1132x670.jpg)
Laufey María fékk þrenn silfurverðlaun en þau fékk hún í 50 m. skriðsundi, 400 m. skriðsundi og 50 m. baksundi. Hún bætti síðan tvennum bronsverðlaunum í safnið í 100 m. baksundi, og 200 m. skriðsundi. Þar að auki var Laufey í sigursveit ÍFR í 4 x 50 metra fjórsundi og hún vann einnig til silfurverðlauna með ÍFR í 4 x 50 metra skriðsundi.
Við segjum bara, til hamingju með árangurinn Laufey María, vel gert.
![](http://localhost:8888/skagafrettir/wp-content/uploads/2017/11/23622012_10213784576307522_5624680993204916069_n.jpg)
![](http://localhost:8888/skagafrettir/wp-content/uploads/2017/11/23658489_10213781567832312_9172675962919252359_n.jpg)