Steinsteypufélag Íslands tilnefnir Guðlaugu til Steinsteypuverðlauna 2019 en alls bárust 13 tillögur og af þeim valdi félagið fimm mannvirki sem tilnefnd eru til verðlaunanna. Þetta kemur fram á vef Akraneskaupstaðar.
Mannvirkin sem um ræðir eru Safnaðarheimilið við Ástjarnakirkju, Bláa lónið Resort, Brú í mislægum vegamótum Reykjanesbrautar, Krýsuvíkurvegar og Stoðveggur úr vistvænni steypu við Búrfellsstöð II og síðast en ekki síst Guðlaug.
Verðlaunin verða afhent þann 15. febrúar á Grand hótel á hinum svokallaða Steinsteypudegi 2019.
Nánari upplýsingar um verðlaunin má finna hér.
Alls hafa um 2000 manns farið í Guðlaugu síðan hún opnaði í desember 2018 og margir líst yfir ánægju með heimsókn í laugina.
Síðan þá er búið að vinna markvisst að því að bæta aðstöðuna enn betur við laugina og er til að mynda búið að fjárfesta í húsnæði sem kemur fljótlega á svæðið. Í húsnæðinu verður aðstaða starfsmanns og einnig salerni fyrir gesti ásamt því er verið að skoða möguleika á að vera með söluvarning í húsnæðinu, s.s. matur og minjagripir um Akranes.
Í búningsklefum fyrir Guðlaugu er búið að setja upp bekki og mottur og einnig hafa verið gerðar ráðstafanir til þess til þess að auka þrýsting heita vatnsins í laugina en hitastigið hefur verið smávægilegt vandamál frá opnun laugarinnar.
Einnig hefur verið í skoðun hjá Akraneskaupstað að bæta aðgengi frá lauginni niður á sandinn og aðstöðu fyrir skó og handklæði nær lauginni, tillögur um það ættu að koma í ljós á næstu vikum.
Þá hefur verið tekin ákvörðun um að fjarlægja steinanna á sandinum sem liggja frá lauginni niður að sjó og verður það gert á næstu vikum. Er það gert út frá öryggissjónarmiðum.
Auglýsing
Auglýsing