Arnór fær toppeinkunn – er Skagamaðurinn á förum frá CSKA?

Skagamaðurinn Arn­ór Sig­urðsson fékk 10 í einkunn hjá tölfræðimiðlinum WhoScor­ed eftir lokaumferðina í rússnesku úrvalsdeildinni í knattspyrnu. Arnór skorað eitt mark og lagði upp mark sem Hörður Björgvin Gunnarsson skoraði í 6-0 sigri CSKA Moskva gegn Krilia So­vet­ov.

CSKA Moskva endaði í 4. sæti deildarinnar og tryggði sér sæti í Evrópudeildinni á næsta tímabili.

Arnór skoraði alls 5 mörk í 21 leik í deildinni og hann skoraði tvívegis í Meistaradeildinni. Gegn Real Madrid og Roma.

Morgunablaðið segir frá því að mörg lið hafi áhuga á að fá Arnór í sínar raðir. Hann er tvítugur að aldri og eiga margir von á því að hann verði seldur frá CSKA Moskvu í sumar þegar félagaskiptaglugginn opnar.

Næsta verk­efni Arn­órs eru lands­leik­irn­ir við Alban­íu og Tyrk­land á Laug­ar­dals­velli, 8. og 11. júní, í undan­keppni EM 2020.