Hin árlega söguganga á írskum dögum var fimmtudaginn 4. júlí s.l.
Gangan er á vegum Bókasafns Akraness og Skagaleikflokksins.
![](https://skagafrettir.is/wp-content/uploads/2019/07/IMG_4314_300Bragi-heiðursborgari--1132x670.jpg)
Að þessu sinni voru óvenju margir þátttakendur, eða um 100 talsins að sögn Hallberu Jóhannesdóttur, sem er ein af ,,Kellingunum”, eins og þær kalla sig.
Stansað var á nokkrum stöðum sem tengjast Braga Þórðarsyni og skrifum hans. Lesið var úr bókum hans og sungnir söngvar, sem tengdust. Fyrsti viðkomustaður var Skátaheimilið. Síðan var haldið á Kirkjubraut og rifjaðar upp minningar úr Ævisögu Odds fréttaritara.
![](http://localhost:8888/skagafrettir/wp-content/uploads/2019/07/20190704_185106_300Bragi-heiðursborgari--1024x768.jpg)
Næsti viðkomustaður var Prentsmiðjan. Síðan haldið að Brekkubæjarskóla og rifjaðar upp skólaminningar Braga, einnig sungnar ,,Úmbrassavísur”-vísur Ólafs í Mýrarhúsum.
![](http://localhost:8888/skagafrettir/wp-content/uploads/2019/07/20190704_174004_300Bragi-heiðursborgari--1024x730.jpg)
Næst var stansað við gamla bókasafnshúsið á Heiðarbraut, en þar var Bragi stjórnarformaður um árabil. Þvínæst á horni Stekkjarholts og Kirkjubrautar (við Landakot) andspænis húsnæði Bókaskemmunnar og Hörpuútgáfunnar.
Loks var haldið í Bókasafnið. Þar var boðið upp á hressingu og skemmtilegt söngatriði. Voru þátttakendur þakklátir ,,Kellingunum” fyrir skemmtilega stund.
![](http://localhost:8888/skagafrettir/wp-content/uploads/2019/07/IMG_4296_300Bragi-heiðursborgari--1024x640.jpg)