Starfsmenn garðyrkjudeildar Akraneskaupstaðar vinna þessa dagana við að endurgera hluta stakkstæðanna sem áður voru notuð til að breiða út saltfisk til þerris við Akranesvita á Breiðinni.
Frá þessu er greint á vef Akraneskaupstaðar.
![](https://skagafrettir.is/wp-content/uploads/2019/07/Screen-Shot-2019-07-31-at-8.28.39-AM-1132x670.png)
Þetta verkefni er hluti af heildarhönnun arkitektarstofunnar Landslags við Breiðina og er steinalögnin unnin undir handleiðslu Unnsteins Elíassonar, torf- og grjóthleðslumanns.
Verkefnið er til komið vegna styrkveitingar sem Akraneskaupstaður fékk fyrr á þessu ári úr Framkvæmdasjóði ferðamannastaða.