Akranesviti hefur á undanförnum árum fest sig í sessi sem einn áhugaverðasti staðurinn fyrir tónlistarfólk og listamenn. Hljómburðurinn í vitanum er einstakur og fagfólk á þessu sviði kann að meta það sem vitinn hefur upp á bjóða.
Hilmar Sigvaldason, Björn Lúðvíksson og fleiri góðir Skagamenn hafa á undanförnum árum unnið markvisst að því að koma Akranesvitanum á kortið. Sú mikla og óeigingjarna vinna hefur svo sannarlega skilað sér í fleiri heimsóknum ferðamanna og ekki síst listamanna.
![](https://skagafrettir.is/wp-content/uploads/2019/08/Screen-Shot-2019-08-14-at-10.10.44-AM-1132x670.png)
Nýverið var tónlistarhópur sem kallar sig New Music For Strings í Akranesvita og hér má sjá myndband sem Björn Lúðvíksson tók af einu atriðinu.