Kvennalið ÍA tryggði sér í kvöld áframhaldandi veru í næst efstu deild Íslandsmótsins í knattspyrnu, Inkasso-deildinni.
ÍA lagði Aftureldingu á heimavelli, Norðurálsvellinum.
![](https://skagafrettir.is/wp-content/uploads/2019/05/ÍA-Grindavík-konur-ÍA-2019-52-1132x670.jpg)
Lokatölur 2-0.
Fyrra mark leiksins kom strax á 6. mínútu en það var sjálfsmark hjá Aftureldingu.
Védís Agla Reynisdóttir tryggði sigurinn með marki á 82. mínútu og þar við sat.
Á sama tíma tapaði lið Grindavíkur og féll liðið þar með í 2. deild en ÍR var löngu fallið.
ÍA er í 6. sæti með 19 stig en þetta var fimmti sigurleikur liðsins á tímabilinu.
Lokaumferðin fer fram um næstu helgi og þar leikur ÍA á útivelli gegn Tindastól á Sauðárkróki.
Niamh Coombes, markvörður, lék sinn fyrsta leik með ÍA í kvöld. Hún er írsk og hefur leikið með liði Völsungs frá Húsavík í sumar. ÍA fékk undanþágu fyrir félagaskipti hennar vegna landsliðsverkefna hjá aðalmarkverði ÍA, Anítu Ólafsdóttur.
![](http://localhost:8888/skagafrettir/wp-content/uploads/2019/09/Screen-Shot-2019-09-13-at-8.51.04-PM-1024x668.png)