Ungir leikmenn í sviðsljósinu í fyrsta leik ÍA í körfunni


Keppnistímabilið í körfuboltanum á Akranesi er hafið. Karlalið ÍA leikur í 2. deild og í fyrsta leiknum á Íslandsmótinu var B-lið Njarðvíkur mótherjinn.

Sóknarleikurinn var í aðalhlutverki og endaði leikurinn með sigri gestanna úr Njarðvík, 121-131.

Bandaríkjamaðurinn Chaz Franklin er mættur á Skagann á ný sem þjálfari og leikmaður. Undir hans stjórn hafa yngri leikmenn liðsins sýnt miklar framfarir.

Margir kornungir leikmenn fengu tækifæri í leiknum gegn Njarðvík.

Þar má nefna Aron Dagsson, sem er 15 ára gamall. Styrmir Jónasson og Þórður Jónsson 14 ára gamlir fengu einnig tækifæri í leiknum. Jón Gautur Hannesson, 15 ára, var í leikmannahópnum hjá ÍA.

Reynslumiklir leikmenn á borð við Ómar Helgason og Birki Guðjónsson hafa tekið fram skóna á ný .

Hér fyrir neðan er myndasyrpa sem Jónas Ottósson tók á leiknum.