![](http://localhost:8888/skagafrettir/wp-content/uploads/2019/10/skagafrettirstuðningurokt2019gratt.jpg)
Skagamaðurinn Brynjar Már Ellertsson hefur á undanförnum dögum dvalið í borginni Kazan í Rússlandi þar sem að heimsmeistaramót 19 ára og yngri í badminton fer fram.
Það er mikið afrek að komast á sjálft heimsmeistaramótið og fer þessi keppni í reynslubankann hjá einum efnilegasta badmintonleikmanni landsins.
Brynjar Már og Karolina Prus komust í gegnum 1. umferð í tvenndarleik – en þau féllu síðan úr leik gegn pari frá Tékklandi.
Brynjar Már keppti einnig í einliðaleik og tvíliðaleik. Brynjar Már Elllertsson mætti
![](https://skagafrettir.is/wp-content/uploads/2018/05/badminton201860-1132x670.jpg)
Alex Lanier frá Frakklandi var mótherji Brynjars í einliðaleiknum og hafði Frakkinn betur, 21-5 og 21-6.
Í tvíliðaleiknum lék Brynjar Már með Andra Broddasyni. Þeir léku gegn Skotunum Miachael Mcguire og Callum Smith. Sá leikur endaði 21-14 og 21-9 fyrir Skotana.