Skagamaður nýr umsjónarmaður fasteigna í Hvalfjarðarsveit

Hlynur Sigurdórsson, rafvirkjameistari á Akranesi, var á dögunum ráðinn sem umsjónarmaður fasteigna hjá Hvalfjarðarsveit.

Frá þessu er greint á heimasíðu Hvalfjarðarsveitar.

Á undanförnum tveimur áratugum hefur Hlynur rekið fyrirtækið sitt Rafþjónustu Sigurdórs. Hann seldi fyrirtækið fyrir nokkru síðan.

Hlynur hefur þegar hafið störf hjá Hvalfjarðarsveit.

Hvalfjarðarsveit varð til 1. júní 2006 með sameiningu fjögurra hreppa sem oft voru kallaðir „hrepparnir sunnan Skarðsheiðar.” Þetta voru Hvalfjarðarstrandarhreppur, Skilmannahreppur, Leirár- og Melahreppur og Innri-Akraneshreppur.

Hvalfjarðarsveit nær frá Hvalfjarðarbotni í austri, Skorradal í norðri, Borgarfjarðarbrú í vestri og Akranesi í suðri.

Í sveitarfélaginu búa um 650 íbúar. Þar eru nokkrir þéttbýliskjarnar. Melahverfið, Hlíðarbær og sá þriðji er Krossland sem er í uppbyggingu.

Íbúafjöldi í Hvalfjarðarsveit frá árinu 1998: