Sameiginlegt lið ÍA/Kára og Skallagríms leikur í dag síðari leikinn gegn Levadia Tallinn í Unglingadeild UEFA. Leikurinn fer fram í Eistlandi og hefst hann kl. 14:30 að íslenskum tíma.
Leikurinn verður í beinni textalýsingu á fésbókar og Twittersíðu ÍATV – sjá hér fyrir neðan
![](https://skagafrettir.is/wp-content/uploads/2019/10/ÍA-Levadina-UEFA-UnglingaIMG_8694-1132x670.jpg)
ÍA / Kári / Skallagrímur vann fyrri leikinn örugglega 4-0 á heimavelli í byrjun október. Ef allt gengur að óskum í síðari leiknum í dag mætir ÍA / Kári / Skallagrímur enska liðinu Derby County í 2. umferð.
Með góðum úrslitum í dag gæti ÍA / Kári / Skallagrímur skrifað nýjan kafla í knattspyrnusögu Íslands – en ekkert íslenskt lið hefur komist í 2. umferð Unglingadeildar UEFA. Breiðablik og KR eru einu liðin sem hafa tekið þátt og féllu þau bæði úr keppni í 1. umferð.
Derby er komið áfram eftir 9-2 samanlagðan sigur gegn Minsk frá Hvíta-Rússlandi, fyrri leikurinn endaði 2-0 fyrir Derby á útivelli en síðari leikurinn fór fram í gær í Derby og endaði hann 7-2 fyrir Derby County.
Hér að neðan má sjá myndband frá æfingu í 2. flokks karla .
![](http://localhost:8888/skagafrettir/wp-content/uploads/2019/10/72170445_1472232842901227_3534778245184487424_n.jpg)