Fimleikastarfið hjá ÍA er blómlegt og er félagið nú það fjölmennasta í röðum ÍA.
Iðkendur og þjálfarar Fimleikafélagsins leggja hart að sér við æfingar þrátt fyrir erfiðar aðstæður – og eftirvæntingin er mikil eftir nýju fimleikahúsi sem verður tilbúið á árinu 2020.
Um helgina náðu ungir keppendur úr fjölmennu liði ÍA góðum árangri á Haustmóti Fimleikasambandsins.
Alls tóku 23 félög þátt og voru tæplega 50 keppendur frá ÍA.
4. flokkur ÍA gerði sér lítið fyrir og sigraði í sínum flokki.
Árangur fjögurra liða ÍA á mótinu var eftirfarandi:
1. sæti: ÍA 1 – 41,810 stig.
10. sæti: ÍA 2 – 33,940 stig.
17. sæti: ÍA 3 – 35,830 stig.
22. sæti: ÍA 4 – 21,105 stig.