Ungur og efnilegur landsliðsmaður úr röðum Stjörnunnar úr Garðabæ mun leika með liði ÍA í 2. deildinni á næstunni.
Gengið hefur verið frá venslasamningi á milli Stjörnunnar og ÍA að Friðrik Anton Jónsson leiki með Skagamönnum.
![](https://skagafrettir.is/wp-content/uploads/2019/11/78244265_1480403912100162_5854085409935458304_n-1-1132x670.jpg)
Friðrik sem er fæddur árið 2002 kom inní meistaraflokkshóp Stjörnunnar fyrir þetta tímabil.
Friðrik hefur verið fastamaður í yngri landsliðum íslands og lék stórt hlutverk í U18 á yngra ári í sumar.
Friðrik hittir fyrir hjá ÍA liðsfélaga sinn úr Stjörnunni og landsliðinu Ingimund Orra Jóhannsson sem einnig er á venslasamning hjá ÍA.
Ingimundur Orri hefur leikið vel með ÍA og verið einn stigahæsti leikmaður liðsins.
Næsti leikur ÍA er gegn KR-b á útivelli. ÍA hefur leikið átta leiki á tímabilinu í 2. deildinni, unnið tvo leiki en tapað sex. Liðið er sem stendur í 9. sæti.
![](http://localhost:8888/skagafrettir/wp-content/uploads/2019/11/Screen-Shot-2019-11-25-at-2.41.20-PM.png)
![](http://localhost:8888/skagafrettir/wp-content/uploads/2019/11/Screen-Shot-2019-11-25-at-2.41.04-PM-1024x281.png)