Sundkonan Brynhildur Traustadóttir heldur áfram að bæta afrek sín í sundlauginni. Skagakonan keppti á Norðurlandameistaramótinu sem fram fór í Færeyjum um s.l. helgi.
Þar bætti Brynhildur árangur sinn í 800 metra skriðsundi og var hún nálægt því að komast á verðlaunapall – en hún endaði í fjórða sæti.
Á undanförnum vikum hefur Brynhildur bætt árangur sinn í þessari grein á alls þremur mótum í röð. Hún kom í mark á tímanum 9:09,37 mín.
Hún keppti einnig í 400 metra skriðsundi og var nálægt sínum besta tíma. Þar kom hún í mark á 4:24,33 mín sem skilaði henni í 7. sæti.
Skriðsund er aðalgrein Brynhildar og hún synti einnig 200 metra skriðsund og var nálægt sínum besta tíma. Brynhildur endaði í 7. sæti í þeirri grein.
![](https://skagafrettir.is/wp-content/uploads/2019/12/received_428125471214680-e1575304709546-800x445-1132x670.jpeg)