Valdís Þóra Jónsdóttir, atvinnukylfingur úr Leyni á Akranesi, endaði í 50. sæti á lokamóti LET Evrópumótaraðarinnar. Þetta kemur fram á golf.is.
Hún lék hringina fjóra á +8 samtals (76-74-69-77).
![](https://skagafrettir.is/wp-content/uploads/2019/12/valdis2017-827x675-827x670-1132x670.jpg)
Valdís Þóra endaði þar með í 71. sæti stigalista LET Evrópumótaraðarinnar.
Hún var aðeins einu sæti frá því að tryggja sér 100% þátttökurétt á LET Evrópumótaröðinni á næsta tímabili.
Valdís Þóra getur lagað stöðu sína með því að taka þátt á úrtökumótinu fyrir LET Evrópumótaröðina sem fram fer í janúar – en ekki liggur fyrir á þessari stundu hvort hún velji að fara þá leið.
Niðurstaðan er eins og áður segir 71. sætið og það þýðir að Valdís Þóra er með tamarkaðan keppnisrétt á LET Evrópumótaröðinni.
Samt sem áður er allar líkur á því að Valdís Þóra komist inn á flest mótin á LET Evrópumótaröðinni þar sem hún endaði í 71. sæti stigalistans 2019.
![](https://2l2v1g3dp2ne2nmqg4etpme5-wpengine.netdna-ssl.com/wp-content/uploads/2019/12/Screen-Shot-2019-12-08-at-4.39.48-PM-1024x280.png)
Mótið fór fram í Kenía í Afríku og var það 16. mótið hjá Valdísi Þóru á sterkustu atvinnumótaröð Evrópu í kvennaflokki.
Skorið er uppfært hér á lokamótinu á LET Evrópumótaröðinni.
Hún hefur komist í gegnum niðurskurðinn á 9 mótum af alls 16.
Besti árangur hennar er 5. sætið á þessu tímabili.
![](https://2l2v1g3dp2ne2nmqg4etpme5-wpengine.netdna-ssl.com/wp-content/uploads/2019/12/Screen-Shot-2019-12-08-at-4.47.02-PM-1024x487.png)