Elsta sundfólkið sem æfir hjá ÍA fékk frábæra heimsókn á dögunum. Anton Sveinn McKee, sem er einn besti bringusundsmaður veraldar, og sundmaður ársins 2019 á Íslandi, kom þá í heimsókn
Sundfólkið efnilega á Akranesi fékk góð ráð frá Antoni. Hann var með fyrirlestur þar sem hann fór yfir markmiðasetningu, mikilvægi svefns og hugarþjálfunar auk þess sem hann kynnti aðdragandann að umsóknum um háskólanám í Bandaríkjunum.
![](https://skagafrettir.is/wp-content/uploads/2019/12/20191216_183348-800x445-1132x670.jpg)
Einnig fór hann yfir tækniatriði t.d. í stungum og snúningum og sagði frá ýmsum „litlum“ atriðum sem getað hjálpað við að synda hraðar í bringusundi.
Heimsóknin endaði á bringusundsæfingu þar sem Anton sagði sundmönnunum til.
Á heimasíðu Sundfélags ÍA segir að það sé mjög mikilvægt fá tilsögn hjá jafn góðum og reyndum sundmanni og Antoni.
![](http://localhost:8888/skagafrettir/wp-content/uploads/2019/12/20191216_165013-1024x576-1.jpg)
![](http://localhost:8888/skagafrettir/wp-content/uploads/2019/12/20191216_185009-e1576533376155-1-893x1024.jpg)