Haraldur Sturlaugsson sendi nýverið erindi til Akraneskaupstaðar þar sem að hann óskar eftir því að fá að setja upp myndasafn af öllum Íslands – og bikarmeisturum allra flokka ÍA í knattspyrnu í Akraneshöll.
Hugmyndin er að setja upp liðsmyndir af þeim sem hafa náð slíkum árangri allt frá árinu 1946.
![](https://skagafrettir.is/wp-content/uploads/2020/02/1980_5.flokkur2-1132x670.jpg)
Hér má sjá Íslandsmeistaralið ÍA í 5. flokki karla frá árinu 1980.
Erindið var tekið fyrir á fundi skóla – og frístundaráðs sem vísaði því til afgreiðslu í skipulags – og umhverfisráðs.
Á fundi skipulags – og umhverfisráðs var tekið jákvætt í erindið og verða myndirnar hengdar upp í samráði við forstöðumann íþróttamannvirkja og rekstrarstjóra áhaldahúss.