Akraneskaupstaður vinnur að aðgerðum um þessar mundir er varða veitingu afslátta, frestun eða niðurfellingu gjalda fyrir ýmsa þjónustu sveitarfélagsins vegna áhrifa Covid-19 á samfélagið.
Gjaldskrár eins og leikskólagjöld, frístund, fasteignagjöld og þess háttar eru til skoðunar.
Fyrsta umræða um þetta tiltekna málefni verður í bæjarráði Akraness þann 25. mars næstkomandi.
Verður í kjölfar niðurstöðu bæjarráðs gefin út sérstök tilkynning til íbúa og fyrirtækja um aðgerðir Akraneskaupstaðar til að mæta þeim samdrætti sem blasir við í þjóðarbúskapnum.
