Það styttist í að fimleikahúsið sem er í byggingu við Vesturgötuna á Akranesi verði tilbúið. Stefnt er að því að hægt verði að hefja starfsemi í húsinu í byrjun júní eða eftir 56 daga.
Eins og sjá má á myndunum hér fyrir neðan er verkefnið langt komið og byrjað er að setja ytri klæðningu á húsið.
![](https://skagafrettir.is/wp-content/uploads/2020/04/IMG_5839-2-1132x670.jpg)
Fyrirtækið Spennt ehf. sé um byggingu fimleikahússins á Akranesi. Alls bárust fimm tilboð í verkið og var Spennt ehf. lægstbjóðandi með samtals 607 mkr.
Framkvæmir hófust í ágúst árið 2018 á en fyrstu áætlanir gerðu ráð fyrir verklokum í desember 2019
Fimleikahúsið er við hlið íþróttahússins á Vesturgötu. Um er að ræða nýbyggingu á fimleikasal sem er 1640 m² að stærð.
Í salnum er steypt áhorfendastúka en rými undir henni verður síðan nýtt undir sturtur fyrir núverandi búningsklefa sem fyrir eru í þróttahúsinu. Búningsklefar í eldri byggingu íþróttahússins hafa verið endurnýjaðir sem og einnig anddyri og kennslurými þar sem frístund Brekkubæjarskóla hefur verið starfandi.
![](http://localhost:8888/skagafrettir/wp-content/uploads/2020/04/IMG_5834-1024x768.jpg)
![](http://localhost:8888/skagafrettir/wp-content/uploads/2020/04/IMG_5835-1-1024x768.jpg)
![](http://localhost:8888/skagafrettir/wp-content/uploads/2020/04/IMG_5836-1024x768.jpg)
![](http://localhost:8888/skagafrettir/wp-content/uploads/2020/04/IMG_5839.jpg)
![](http://localhost:8888/skagafrettir/wp-content/uploads/2020/04/IMG_5840.jpg)