Elísabet Rut Rúnarsdóttir er ein efnilegasta íþróttakona landsins. Elísabet er 17 ára gömul en hún stefnir samt sem áður á að komast á Ólympíuleikana.
Fyrir ári síðan, í maí 2019, setti Elísabet Rut Íslandsmet í fullorðinsflokki – aðeins 16 ára gömul. Metið setti hún á móti sem fram fór í Borgarnesi, og þar kastaði hún sleggjunni 62,16 metra.
![](https://skagafrettir.is/wp-content/uploads/2020/04/60303918_10216749169395817_1872571995497955328_o-1-1132x670.jpg)
RÚV tók viðtal við íþróttakonuna efnilegu sem má sjá hér fyrir neðan. Þar kemur m.a. fram að Elísabet Rut hafi slysast til þess að byrja æfa sleggjukast.
Elísabet Rut á ættir að rekja á Akranes í gegnum móður sína Guðrúnu Huld Kristinsdóttur sem starfar sem ljósmóðir.
![](http://localhost:8888/skagafrettir/wp-content/uploads/2020/04/60303918_10216749169395817_1872571995497955328_o-768x1024.jpg)
Foreldrar Guðrúnar eru bæði frá Akranesi, Rikka Mýrdal (1957), svæfingarhjúkrunarfræðingur og Kristinn Ellert Guðjónsson (1957) raflagna- og lýsingarhönnuður.
Rikka Mýrdal er dóttir Einars Mýrdals heitins, og Huldu Haraldsdóttur.
Kristinn Ellert er sonur Guðjóns Guðmundssonar læknis og Guðrúnar Ellertsdóttur.
Guðjón starfaði í marga áratugi sem bæklunarlæknir við HVE á Akranesi – og var ávallt á hliðarlínunni sem aðstoðarmaður hjá karlaliði ÍA í knattspyrnu,
![](http://localhost:8888/skagafrettir/wp-content/uploads/2020/04/stuðng2020-437x1024.jpg)