KSÍ útdeilir 100 milljónum kr. – ÍA og Kári fá stuðning

Knattspyrnusamband Íslands hefur ákveðið að deila út 100 milljónum kr. til aðildarfélag sinna en stjórn KSÍ samþykkti þá ákvörðun á síðasta fundi sínum

Skiptinging er framkvæmd á grundvelli reiknilíkans sem var hannað og notast við fyrir útgreiðslu sérstaks EM-framlags 2016 og HM-framlags árið 2018. Í því líkani er félögum skipt upp í tvo flokka. Annars vegar félög með barna- og unglingastarf og hins vegar félög án þess.

Nánar á vef KSÍ.

Knattspyrnufélag ÍA fær rétt rúmlega 5,1 milljón kr. og Knattspyrnufélagið Kári fær 175.000 kr. í úthlutun sem KSÍ greindi frá í gær.

Félögin með unglingastarf, sem eru alls 46, fá 100 mkr. úthlutun frá KSÍ sem skiptast eftir gefnum stigum sem miðast við stöðu í deildum karla og kvenna á tímabilunum 2019 og 2020.

Öll aðildarfélög KSÍ, bæði félög með barna og unglingastarf og félög án þess, fá þar að auki niðurfellingu ferðaþátttöku- og þátttökugjalds (skráningargjalds), alls tæpar 20 milljónir.

Knattspyrnusambandið mun eftir sem áður halda áfram hagsmunagæslu sinni og styðja eftir megni við aðildarfélög sín. Þess má geta í því sambandi að á undanförnum þremur árum, að fyrrgreindum aðgerðum meðtöldum hefur sambandið nú greitt út til aðildarfélaganna um 700,0 mkr ásamt því að standa straum af öllum dómarakostnaði meistaraflokka á Íslandsmótum sem nemur um 480,0 mkr.

Listi yfir greiðslur til félaga