Keppni í Pepsi-Max deild karla í knattspyrnu hefst í kvöld en ÍA leikur sinn fyrsta leik gegn liði KA sunnudaginn 14. júní á Norðurálsvelli á Akranesi.
Leikurinn hefst kl. 15:45.
![](https://skagafrettir.is/wp-content/uploads/2019/05/ÍA-Stjarnan-PepsiMax-2019-13-1132x670.jpg)
Í tilkynningu frá Knattspyrnufélaginu kemur fram að nóg pláss verði fyrir stuðningsmenn beggja liða á frábærum áhorfendastæðum beggja vegna við völlinn.
„Hólf verða afmörkuð og í hverju hólfi er gert ráð fyrir 200 fullorðnum en börn sem eru í hólfunum telja ekki með. Í vesturhluta stúkunnar, sem er fjær Akraneshöllinni, verða tvö hólf fyrir stuðningsmenn ÍA. Nóg pláss verður á grassvæðinu. Sérstakt hólf verður vestast á grasbökkunum fyrir þá sem vilja halda 2 metra fjarlægð frá öðrum áhorfendum.
Stuðningsfólk KA verður í hólfum í austurhluta stúkunnar sem er nær Akraneshöllinni.
Vallargestir eru hvattir til að nýta Stubb-appið sem er miðasöluapp í síma til að kaupa miða. Með því að nota það geta vallargestir komið á völlinn og verið á vellinum án nokkurrar snertingar kjósi þeir slíkt.
Miðaverð á stakan leik í PepsiMax deildinni á Norðurálsvelli í sumar
17 ára og eldri kr. 2.000.-
16 ára (f. 2004) og yngri frítt
![](http://localhost:8888/skagafrettir/wp-content/uploads/2020/06/Screen-Shot-2020-06-13-at-12.30.28-PM-1024x539.png)