Skagamaðurinn Helgi Laxdal Aðalgeirsson er í karlalandsliðinu í hópfimleikum.
Helgi og félagar hans úr landsliðinu verða með sýningar um allt land á næstunni þar sem þeir munu sýna listir sínar, og kynna fimleikaíþróttina í leiðinni.
Fimleikahringur þeirra um landið hefst í dag í Íþróttahúsinu við Vesturgötu, og hefst sýningin kl. 14.00.
Eftir sýninguna gefst gestum tækifæri til þess að prófa fimleika undir handleiðslu landsliðsmanna.
