Knattspyrnumaðurinn Valdimar Þór Ingumundarson er nýjasti atvinnumaður Íslands.
Valdimar Þór hefur samið við norska liðið Strömsgodset.
Fylkismaðurinn hóf knattspyrnuferilinn með yngri flokkum ÍA en hann er fæddur árið 1999 og er því 21 árs gamall.
Faðir Valdimars Þórs er Skagamaðurinn Ingimundur Barðason og er ættbogi Valdimars Þórs á Akranesi fjölmennur.
Valdimar Þór hefur verið einn besti leikmaður PepsiMax deildarinnar á þessu tímabili. Hinn 21 árs gamli framherji skoraði 8 mörk í 14 leikjum fyrir Fylki á tímabilinu.
Hann skrifaði undir þriggja ára samning við Strömsgodset eða út tímabilið 2023.
Alls hefur Valdimar Þór leikið 53 leiki í efstu deild fyrir Fylki. Hann hefur skorað alls 17 mörk og á hann að baki fimm landsleiki fyrir U-21 árs landslið Íslands.
Strömsgodet er í tólfta sæti norsku úrvalsdeildarinnar með 20 stig eftir fyrstu sautján leiki.