Alls eru átta einstaklingar í einangrun á Akranesi vegna Covid-19.
Á föstudaginn í síðustu viku var aðeins einn einstaklingur í einangrun á Akranesi vegna Covid-19 smits.
Það er því töluverð fjölgun á Covid-19 smitum á Akranesi eins og sjá má í upplýsingum frá Lögreglunni á Vesturlandi sem birtar voru í dag.
Á landsvísu voru 39 greind smit í gær – sem er næstum því tvöfalt fleiri en á laugardaginn þegar 20 smit voru greind.
Að sögn Víðis Reynissonar hjá Almannavörnum eru jákvæðu fréttirnar þær að 34 af þeim 39 sem greindust með veiruna voru í sóttkví.
Alls eru 22 í einangrun á Vesturlandi og 64 í sóttkví . Á föstudag í síðustu viku voru 13 í einangrun og 102 í sóttkví.
