„Ég keypti fyrsta líkanið fyrir tíu árum þegar ég var staddur á Benidorm á Spáni. Þar fór ég inn í verslun sem var með traktorslíkön. Ég var í sveit sem barn og þar voru „Deutz“ traktorarnir hálfgerð trúarbrögð. Ég var því strax mjög heitur aðdáandi,“ segir Skagamaðurinn Hannes Þór Guðmundsson við Hlédísi Sveinsdóttur í þættinum „Að Vestan“.
Hannes Þór, sem starfar sem lögregluþjónn, hefur komið sér upp myndarlegu safni af traktorslíkönum í bílskúrnum við Einigrund á Akranesi.
![](https://skagafrettir.is/wp-content/uploads/2020/09/Screen-Shot-2020-09-29-at-5.47.24-PM-1132x670.png)
„Ég versla mest á netinu og ég vissi ekki einu sinni af því að þessi safnaraheimur væri til,“ bætir Hannes við í viðtalinu.
Að Vestan er á dagskrá N4 á mánudögum kl. 20.00.
Hægt er að sjá alla þættina á heimasíðunni www.n4.is