Margrét Þóra Jónsdóttir, leikskólastjóri Teigasels skrifar um svefn og hvíld barna og veltir fyrir sér spurningunni hvort það sé mikilvægt að börn sofi í leikskólanum í hvíldartíma?
Svarið er já það er mikilvægt að barnið sofi/hvílist í leikskólanum. Svefn er mikilvægur fyrir barn sem er að þroskast. Lítil börn taka mikinn þroskakipp á stuttum tíma og þau verða fyrir miklu áreiti í daglegu starfi í leikskólanum. Því er mikilvægt að leikskólabörn séu vel hvíld til þess að þau nái að þroskast, dafna og að líðan þeirra sé góð.
![](https://skagafrettir.is/wp-content/uploads/2020/10/pjimage-22-1000x670.jpg)
Í leikskólanum Teigaseli eru 74 börn og skiptast þau niður á þrjár deildar. Árgangar 2019 og 2018 eru á Teigakoti. Árgangar 2016 og 2017 eru á Miðteig og á Háteig eru árgangar 2015 og 2016.
Leikskólabörn í dag eru að meðaltali 8 tíma í vistun sem er langur vinnudagur fyrir lítil börn. Samkvæmt landlæknisembættinu er svefnþörf barna á sólarhring þessi:
![](http://localhost:8888/skagafrettir/wp-content/uploads/2020/10/20201006_122808-2-1-1024x562.jpg)
Börn 1-3 ára: 12 til 14 klukkustundir.
Börn 3- 6 ára: 10 – 12 klukkustundir.
Þegar börn hafa náð 1 árs aldri nægir þeim flestum að taka einn góðan lúr yfir daginn. Fái börnin ekki sinn lúr yfir daginn geta þau orðið mjög þreytt og pirruð í lok dags. Það gæti stuðlað að því um kvöldmatartíma að börnin verði svo yfirkeyrð af þreytu að þau nái sér ekki niður á kvöldin. Mjög mikilvægt er fyrir börn að hafa rútínu með svefninn.
Foreldrar vanmeta oft á tíðum svefnþörf barna sinn og vilja ekki að börn sín sofi í leikskólanum.
Í ljósi þess hve svefn er mikilvægur börnum þá ákváðum við að breyta svefntíma í leikskólanum þetta skólaárið 2020-2021. Öll börn í leikskólanum myndu sofa eða taka slökun eftir matinn. Börnin á Miðteig og Háteig fara í slökun og leggjast með sitt teppi á dýnu og hlusta á rólega tónlist eða sögur frá Hugarfrelsi.
![](http://localhost:8888/skagafrettir/wp-content/uploads/2020/10/1477308807_teigasel-1024x768.jpg)
Öll börn á Teigakoti fara að sofa. Börnin koma með teppi, kodda og tuskudýr að heiman. Það er þeirra öryggi að hafa lyktina að heiman. Öll börn eru komin á sinn svefnstað um kl. 11.45 og eru sofnuð um kl. 12.00.
![](http://localhost:8888/skagafrettir/wp-content/uploads/2020/10/20201006_122931-2-2-1024x482.jpg)
Foreldrar velja hvaða tíma þau vilja að börn sín séu vakin út frá þeirra svefnvenjum.
Sjá hér að neðan tímasetningar sem eru í boði:
Hópur er vakinn kl.13:00
Hópur er vakinn kl.13.30
Hópur er vakinn kl.14.00
Hópurinn fær að sofa til kl 14.20
![](http://localhost:8888/skagafrettir/wp-content/uploads/2020/10/20201006_123642-2-2-1024x662.jpg)
Heimildir:
https://hugarfrelsi.is/?gclid=EAIaIQobChMI3eeqyd2f7AIVhbHtCh0gEwXEEAAYASAAEgIJtPD_BwE
https://www.landlaeknir.is/servlet/file/store93/item39690/Svefntafla_loka_EL.pdf
https://www.landlaeknir.is/servlet/file/store93/item39931/Svefn_r%C3%A1leggingar_23_3_2020uppf.pdf