Nýverið sömdu þrír leikmenn kvennaliðs ÍA í knattspyrnu við félagið og gilda samningarnir út tímabilið 2021.
Þær heita Védís Agla Reynisdóttir (2003), Hrafnhildur Arin Sigfúsdóttir (1998) og Dagný Halldórsdóttir (2002).
![](https://skagafrettir.is/wp-content/uploads/2020/10/121067771_4500286683346069_5044208885046970278_o-1-1132x670.jpg)
Leikmennirnir hafa allir farið í gegnum yngri flokka ÍA og leikið með meistaraflokki félagsins á undanförnum misserum.
Védís Agla hefur leikið 22 leiki með meistaraflokki og skorað alls þrjú mörk.
Hrafnhildur Arin er með yfir 40 leiki að baki og hefur hún skorað 2 mörk.
Dagný hefur leikið hátt í 30 leiki með meistaraflokki og skorað eitt mark.
Í tilkynningu frá ÍA segir að það séu frábærar fréttir fyrir félagið að þessir leikmenn hafi framlengt samninga sína við Knattspyrnufélag ÍA.